തൃശൂർ: ലൈബ്രറി മേഖലയിലെ സമഗ്രസംഭാവനയ്ക്കുള്ള ഇന്ത്യന് അക്കാദമിക് ലൈബ്രറി അസോസിയേഷന് (എഎല്എ) അവാര്ഡിന് (20,000 രൂപ) ബംഗളൂരു ധര്മാരാം വിദ്യാക്ഷേത്രം സര്വകലാശാലയിലെ ചീഫ് ലൈബ്രേറിയനും ഫാക്കൽട്ടി അംഗവുമായ ഫാ. ഡോ. ജോണ് നീലങ്കാവില് സിഎംഐയെ തെരഞ്ഞെടുത്തു.
നല്ല ലൈബ്രേറിയന്മാർക്കുള്ള അവാർഡിന് (5,000 രൂപ വീതം) തമിഴ്നാട് കാരക്കുടി അളഗപ്പ സര്വകലാശാലയിലെ ഡോ. പി. മുത്തുമാരി, കോയമ്പത്തൂര് കാരുണ്യ സര്വകലാശാലയിലെ ഡോ. മേഴ്സി ലിഡിയ, തൃശൂര് എല്ത്തുരുത്ത് സെന്റ് അലോഷ്യസ് കോളജിലെ യുജിസി ലൈബ്രേറിയന് വിനീത ഡേവിസ് എന്നിവരെയും തെരഞ്ഞെടുത്തു.
ഇന്ത്യയിലെ പ്രമുഖ ലൈബ്രറി പ്രഫഷണൽ സംഘടനയായ എഎല്എയുടെ വാര്ഷികയോഗത്തോടനുബന്ധിച്ചു മേയ് 23ന് അമല മെഡിക്കല് കോളജില് നടക്കുന്ന ‘സുസ്ഥിരവിദ്യാഭ്യാസത്തില് അക്കാദമിക് പബ്ലിക് ലൈബ്രറികളുടെ പങ്കാളിത്തം’ എന്ന വിഷയത്തിലുള്ള ദേശീയ കോണ്ഫറന്സില് അവാര്ഡുകള് സമ്മാനിക്കും.
കേന്ദ്രസര്ക്കാരിന്റെ രാജാറാം മോഹന് റോയ് ലൈബ്രറി ഫൗണ്ടേഷന്റെ സഹകരണവും ഉണ്ടാകും. ആനുകാലിക ലൈബ്രറി വിഷയങ്ങളില് അറുപതോളം പ്രബന്ധങ്ങ ള് അവതരിപ്പിക്കും. ഇരുനൂറോളം ലൈബ്രറി പ്രഫഷണലുകള് പങ്കെടുക്കും.
E-paper LOGIN
LOGIN
